Այսօր «Ժառանգություն» և «Ազատ Դեմոկրատներ» կուսակցությունների միասնական նախընտրական կենտրոնական շտաբի բացման ժամանակ «Ազատ դեմոկրատներ» կուսակցության նախընտրական շտաբի ղեկավար Խաչատուր Քոքոբելյանը, հայտարարել է, որ«Ժառանգություն» և«Ազատ Դեմոկրատներ» կուսակցությունները Հայաստանի տարածքում 70 շտաբ կունենան, Երևան քաղաքում ՝ 10, իսկ յուրաքանչյուր ընտրատեղամասում՝ երկուական ներկայացուցիչ:
Քոքոբելյանը նշել է, որ իրենք ծանոթ են ընտրակեղծելու բոլոր մեթոդներին, բայց իրենք պատրաստ են բոլորի դիմացն առնելու և տեր են կանգնելու իրենց յուրաքանչյուր քվեին:
Քոքոբելյանը ընդդիմությանը և իշխանությանը ընտրակեղծիքների դեմ պայքարում համագործակցության համար առաջարկում է միայն քննարկման բաց տարբերակը:Նույն տարբերակով նա նաև առաջարկում է բարձրացնել ընդդիմության թեկնածուներին միասնաբար սատարելու հարցը:
Ի դեպ Խաչատուր Քոքոբելյանը նաև հայտարարեց, որ թիվ 7 ընտրատեղամասում ինքն անձամբ ընտրելու է «Հայկական ժամանակ» օրաթերթի խմբագիր Նիկոլ Փաշինյանին:
