«Ֆորմուլա-1»-ում հանդես եկող «Մերսեդես» թիմը հնարավոր է՝ հեռանա «Արքայական ավտոարշավներ»-ից կամ դատական հայց ներկայացնի Բեռնի Էքլսթոունի դեմ: Գերմանական թիմը նման որոշման է հանգել այն բանից հետո, երբ պարզ դարձավ, որ Էքլսթոունը համաձայնության է եկել «Մերսեդես»-ի մրցակիցներ «Ֆերրարի»-ի, «Ռեդ Բուլ»-ի և «Մաքլարեն»-ի հետ։ Ըստ այդ համաձայնության՝ նրանք մյուս մրցաշրջանում ևս հանդես կգան «Ֆորմուլա-1»-ում:
Էքլսթոունն ավելի վաղ հայտարարել էր, որ այդ համաձայնությունը ձեռք է բերվել նաև «Լոտուս»-ի, «Ֆորս Ինդիա»-ի, «Տորո Ռոսո»-ի և «Զաուբեր»-ի թիմերի հետ, սակայն «Մերսեդես»-ի և «Ուիլյամս»-ի հետ դեռևս պայմանավորվածություն ձեռք չի բերվել:
«Մերսեդես»-ը չի ցանկանում ստորագրել այդ համաձայնագիրը, քանի որ նրանում ընդգրկված պայմանները այլ թիմերի կողմից են կազմված:
Արդեն իսկ պարզ է, որ «Մերսեդես»-ը երկու ելք ունի այս իրավիճակից՝ վիճարկել այդ պայմանագիրը կամ հեռանալ «Ֆորմուլա-1»-ից:
