Սենեգալի նախագահական ընտրություններում որպես թեկնածու գրանցվելու փորձերը ձախողած դակարցի երգիչ Յուսսու Ն’Դուրը նշանակվել է երկրի մշակույթի նախարար: Հանրահայտ 7 seconds հիթի հեղինակի թեկնածությունը երկրի Սահմանադրական խորհրդի կողմից ճանաչվել էր նախագահական ընտրապայքարի համար անհամապատասխան:
Սենեգալի նոր վարչապետ Աբդուլ Մբայեն, որը նշանակվել է ընդդիմադիր կուսակցությունից ընտրված նախագահ Մակի Սալեմի կողմից, զբաղվում է նախարարների կաբինետի կազմավորմամբ: Նա պատրաստվում է նախարարական 40 պորտֆելները 15-ով կրճատել:
Սենեգալի գործող նախագահ Աբդուլա Վադը ընտրական երկրորդ փուլում իր պարտությունը ճանաչել է: Հիշեցնենք, որ 2000 թվականից երկիրը ղեկավարող 85-ամյա Վադի որոշումն առ այն, թե ինքը պատրաստվում է երրորդ ժամկետի համար պայքարել, երկրում դժգոհության ալիք էր բարձրացրել:
