Փաստաբան Կրոմվել Գրիգորյանը երեկ «ՀԺ»-ին հայտնել է, որ անցած տարվա օգոստոսի 2-ին Երևանի Զաքյան փողոցում ՌԴ 46-ամյա քաղաքացի Խաչիկ Գալոյանի սպանության վերաբերյալ քրեական գործի նախաքննությունն ավարտվել է և ուղարկվել դատախազություն` մեղադրանքը հաստատելու:
«Այս սպանությունը կատարելու համար մեղադրվում են 2004-ի փետրվարին Բուդապեշտում ադրբեջանցի զինվորականի կողմից կացնահարված սպա Գուրգեն Մարգարյանի եղբայրը` Վահրամ Մարգարյանը, և 56-ամյա Բորիս Հակոբյանը, որը սպանությունից հետո ներկայացել էր ոստիկանություն, հանձնել «Մակարով» տեսակի այն հրազենը, որից սպանվել էր Խաչիկ Գալոյանը և ասել, որ սպանություն կատարողը հենց ինքն է: Առաջիկա օրերին քրեական գործը կուղարկվի Կենտրոն և Նորք-Մարաշ վարչական շրջանների ընդհանուր իրավասության դատարան»,- հավելում է թերթը:
