Ուրալում ձերբակալվել է մի վաձկան մարդասպան, որի կատարած հանցագործությունը մեծ աղմուկ է բարձրացրել անցած տարվա դեկտեմբերի վերջին, երբ մարդասպանի զոհ էր դարձել Ստավրոպոլի մարզի գործարարներից մեկը:
Ծնունդով Հայաստանից Արայիկ Աթոյանը (ծնվ. 1979թ.) ձերբակալվել է Սվերդլովսկի շրջանում: Այս մասին հաղորդել է NEWSru.com կայքը:
Հանցագործությունը կատարելուց հետո նա հետքերը կորցնելու համար փորձել է ընտանիքի հետ մեկնել Ռուսաստանի խորքը, սակայն երկար չի կարողացել խուսափել պատասխանատվությունից: Նրան ձերբակալել են Ռեժե քաղաքում:
Հայտնի է, որ Աթոյանը սպանել է պահակային ծառայություններ մատուցող ընկերության տնօրենին, ապա նրա մեքենայով փախուստի դիմել: Ձերբակալությունը տեղի է ունեցել այն պահին, երբ Աթոյանը հերթական անգամ փորձել է փոխել բնակության վայրը:
Նրան անմիջապես տեղափոխել են Ստավրոպոլի մարզ, որտեղ նա կատարել էր այդ հանցագործությունը:
Իրավապահները հայտնել են, որ կասկածներ ունեն, որ սա Աթոյանի միակ հանցագործությունը չէ, և այդ վարկածն ապացուցելու ուղղությամբ աշխատանքներ են տարվում: