Wikileaks-ը մի քանի շաբաթ առաջ հրապարակել էր ամերիկյան դիվանագիտական հերթական մի փաստաթուղթ, որտեղ OHB System AG գերմանական ընկերության ղեկավար Բերի Սմութնին ԱՄՆ դիվանագետին հայտնում է, որ իր ընկերության կողմից ֆրանսիական Galileo նավիգացիոն համակարգի համար կառուցվող արբանյակները ֆրանսիացի հարկատուների միջոցների իզուր վատնում են: Նա Galileo համակարգն էլ անվանել է հիմար ձեռնարկ: Նա նաև ասել է, որ համակարգը չի ծառայում ֆրանսիացիներին և հատկապես զինվորականությանը, որոնց համար այն կարևոր նշանակություն ունի:
Այս հրապարակումից հետո Եվրոպայում մեծ աղմուկ բարձրացավ, քանի որ Galileo նավիգացիոն համակարգի հետ այս մայրցամաքում մեծ հույսեր են կապում: Շատ լրագրողներ աննպատակահարմար համարեցին, որ Galileo-ի հետ աշխատող ընկերության ղեկավարն այսպիսի վերաբերմունք ունի համակարգին:
BBC-ի հաղորդմամբ, ընկերության տնօրենների խորհուրդը միաձայն որոշում է կայացրել Սմութնիի պաշտոնանկության վերաբերյալ: