«Եվրամիությունը մինչև հունվարի վերջը պետք է հստակեցնի իր դիրքորոշումը Բելառուսի նկատմամբ»,- այս մասին չորեքշաբթի օրը ասել է ՌԴ-ում Եվրոպական Միության ներկայացուցչության ղեկավար Ֆերնանդո Վալենսուելան:
«Դա շատ նուրբ հարց է այն երկրի համար, որը մտնում է մեր «Հարևանության քաղաքականության» մեջ: Եվ, իհարկե, այստեղ կարող են ի հայտ գալ բարդ իրողություններ ու հետևանքներ: Այն, ինչ տեղի է ունեցել Բելառուսում, շատ լուրջ է: Մենք կարծում ենք, որ կատարվել են սկզբունքային լուրջ խախտումներ, որոնք մեզ համար ունեն շատ մեծ նշանակություն: Սակայն ներկա պահին ԵՄ կողմից որևէ ընդհանուր որոշում չկա, այն մշակվում է: Հնարավոր է, որ հստակ որոշումներ ընդունվեն այս տարվա վերջին, եթե մինչ այդ բելառուսական կողմի դիրքորոշման մեջ էական փոփոխություններ չկատարվեն»,- ասել է Վալենսուելան:
Բելառուսական ընդդիմությունը Մինսկում բողոքի չարտոնված ակցիա է իրականացրել, երբ հայտարարվել էր, որ դեկտեմբերյան նախահագահական ընտրությունների ժամանակ հաղթող է ճանաչվել երկրի ներկայիս առաջնորդ Ալեքսանդր Լուկաշենկոն: Իշխանությունները ձերբակալել են հարյուրավոր ընդդիմադիրների, այդ թվում՝ նախագահի թեկնածուների:
Հիշեցնենք նաև, որ Լեհաստանի արտգործնախարարությունն արգելել է Լուկաշենկոյի մուտքը ԵՄ: Այս մասին հաղորդում է RBC գործակալությունը: