«Ֆորմուլա-1»-ի ղեկավարությունը և Ֆրանսիայի Գրան պրիի կազմակերպիչները ստորագրել են պայմանագիր, որով Ֆրանսիայի մրցաշարը կվերադառնա «Արքայական ավտոարշավներ»-ի օրացույց: Այդ մասին պաշտոնապես կհրապարակվի մարտի 30-ին:
Գրան պրին կանցկացվի «Պոլ Ռիկար» վազքուղում, որը գտնվում է Լե-Կաստելե համայնքում: Ֆրանսիայի Գրան պրին կանցկացվի Բելգիայի Գրան պրիի հետ մեկ պայմանագրի շուրջ: Դա նշանակում է, որ զույգ տարիներին Գրան պրին կանցկացվի Բելգիայում, իսկ կենտ տարիներին` Ֆրանսիայում:
Հիշեցնենք, որ Ֆրանսիայում «Ֆորմուլա-1»-ի Գրան պրի վերջին անգամ անցկացվել է 2008 թվականին «Մանի Կուր» վազքուղում: Գրան պրին արգելվեց անցկացնել այդ վազքուղում, քանի որ նրա որոշ հատվածներ չէին համապատասխանում «Ֆորմուլա-1»-ի չափանիշներին: Ֆրանսիայի Գրան պրին վերջին անգամ հաղթել է Կիմի Ռայկոնենը, որը այդ ժամանակ հանդես էր գալիս «Ֆերրարի» թիմում: