Ինչպես գրում է The Washington Рost օրաթերթը, 2011 թ. հունվարի սկզբին «Թալիբան» շարժման առաջնորդներից մեկին ` Մոհամմադ Օմարին, տեսել են Կարաչիի հիվանդանոցներից մեկում, որտեղ նրան տեղափոխել են ծանր հիվանդության պատճառով: Ըստ թերթի՝ Օմարն այստեղ հայտնվել է պակիստանյան հատուկ ծառայությունների միջնորդությամբ: Նրա հիվանդության պատճառը հայտնի չէ: Կասկածներ կան, որ վիրահատվել է նրա սիրտը:
Վիրահատությունից մի քանի օր անց նա հանգրվանել է պակիստանյան հետախուզական ծառայությանը պատկանող հյուրատանը:
Այս տեղեկությունները հավաքել է «Խավարման խումբ» կոչվող կազմակերպությունը, որի անդամ են մի քանի տասնյակ երկրների նախկին և ներկա դիվանագետներ և հետախուզության աշխատակիցներ: