Ծիծաղի համաշխարհային օրը՝ ապրիլի 1-ին, ԱՄՆ նախագահական ընտրությունների հանրապետական թեկնածու Միթ Ռոմնին իր ենթակաների «դավադրության» զոհն է դարձել: Քաղաքական գործիչը Վիսկոնսին նահանգում պետք է հանդիպում ունենար նախընտրական քարոզարաշվի հովանավորների հետ, սակայն դրա փոխարեն նախընտրական շտաբի աշխատակիցները նրան ուրիշ սրահ են տարել:
«Տիկնայք և պարոնայք, դիմավորենք Ամերիկայի Միացյալ Նահանգների նախագահի ապագա թեկնածուին»,- լսվել է բարձրախոսներից, երբ Ռոմնին մտել է դատարկ սրահ: Ծիծաղով և ծափերով նրան դիմավորել են մի քանի աշխատակիցներ, որոնք կատարվածը նկարահանել են բջջային հեռախոսներով: Մի քանի րոպե հետո մոլորված Ռոմնին ինքն էլ է սկսել ծիծաղել: «Դավադրությանը մասնակցել են կոնգրեսական Փոլ Ռայանը և սենատոր Ռոն Ջոնսոնը»:
«Այս առավոտը ես շուտ չեմ մոռանա»,- ասել է Ռոմնին, երբ ուշքի է եկել կատարվածից հետո: Նրա խոսքերով՝ իրեն զգուշացրել էին, որ հանդիպմանը «այնքան էլ շատ մարդ չի գալու», բայց երբ իր առջև դատարկ սրահ է տեսել, մի փոքր մոլորվել է:
«Ես մտածեցի. «Օ, Աստված, սա սարսափելի կնայվի երեկոյան լուրերում»,- խոստովանել է քաղաքական գործիչը: Ծափահարությունների ներքո նա դուրս է եկել այդ սրահից և մտել մյուս սրահը, որտեղ նրա եույթին էին սպասում մի քանի հարյուր հովանավորներ:
Ռոմնիի մտերիմների խոսքերով՝ նա նորմալ է ընկալել կատակը, քանի որ հումորի սուր զգացում ունի: Օրինակ՝ պատմում են, որ երիտասարդության տարիներին, երբ նրա սիրելի կինն ամուսնանում էր, Ռոմնին եղունգների ներկով վարդագույն էր ներկել նրա փեսացուի կոշիկները:
Կիրակի երեկոյան տված մամուլի ասուլիսում Ռոմնին խոստացել է «վրեժ լուծել» իր ենթականերից: «Հաջորդ տարի ձեզ հաշվեհարդար է սպասվում: Այ կտեսնեք: Միայն թե հասնեմ Սպիտակ տուն»,- ասել է նա՝ բռունցքը թափահարելով:
