Իսրայելը, ԱՄՆ–ը և Հունաստանն առաջին անգամ անցկացնում են ռազմածովային զորավարժություններ: Մինչ 2012 թվականն այդպիսի ամենամյա զորավարժություններին մասնակցում էին միայն ԱՄՆ–ը և Իսրայելը, բայց այս տարի գործընկեր է նաև Հունաստանը, որը ներկայացնում է էսմինեց սուզանավ, ինչպես նաև ռազմական ինքնաթիռներ և ուղղաթիռներ։ Այս մասին հաղորդում է Свобода ռադիոկայանը:
Թուրքիայի հետ ռազմական համագործակցության դադարից հետո Իսրայելի համար սա առաջին զորավարժությունն է Միջերկրական ծովում: Իսրայելի պաշտպանության բանակը նախատեսում է մշակել ծովի տակ պատերազմելու և օդում շարունակական մարտեր մղելու տարրեր:
Զորավարժությունները կսկսվեն Սուդում ԱՄՆ ավիբազայում, կշարունակվեն Կիպրոսի ափերին և կավարտվեն ծովում:
Փորձագետները նշում են, որ զորավարժությունները կարող են ազդանշան լինել Թուրքիայի համար, քանի որ Թուրքիայի վարչապետ Ռեջեփ Էրդողանը բազմիցս սպառնացել է ոչնչացնել իսրայելական, ամերիկյան և հունական հորատման աշտարակները, որոնք Միջերկրական ծովում նավթի հանքերի մշակումներ են իրականացնում։