Շաբաթ օրը Ֆլորիդայում սպանված սևամորթ Թրեյվոն Մարտինի հիշատակին նվիրված երթ է անցկացվել: Այս մասին հաղորդում է Associated Press գործակալությունը:
Ակցիան, որն մասնակցել է մի քանի հազար մարդ, անցկացվել է Սենֆորդ քաղաքում, որտեղ սպանվել է դեռահասը: Քաղաքի բնակիչները երթը սկսել են այն դպրոցի մոտից, որտեղ ժամանակին սովորում էին միայն սևամորթ երեխաները՝ հասնելով մինչև տեղի ոստիկանության շենք:
Ցուցարարները իրենց հետ տարել են Մարտինի նկարները և պահանջել են դատապարտել դեռահասի սպանության մեղավորին: Մասնակիցներից շատերի շապիկներին Մարտինի նկարն է եղել։
Երթը կազմակերպվել էր Գունավոր բնակչության զարգացման աջակցության ազգային ասոցիացիայի կողմից (NAACP): Այս հանգստյան օրերին նման ակցիաներ կանցկացվեն ԱՄՆ-ի տարբեր քաղաքներում:
Հիշեցնենք, որ 17–ամյա Թրեյվոն Մարտինը սպանվել էր 2012 թ. փետրվարի 26-ին: Նրան գնդակահարել էր հասարակական պարետ Ջորջ Ցիմերմանը, ով համարել էր, որ «տարօրինակ հագնված երիտասարդը կասկածելի տեսք ունի»: Հետո պարզվել էր, որ Մարտինի մոտ զենք չի եղել, նրա ձեռքին կոնֆետի տուփ և շշով թեյ է եղել:
Ցիմերմանը հայտարարել էր, որ ստիպված է եղել կրակել, որովհետև դեռահասը հարձակվել էր իր վրա: Նա նշել է, որ գործել է ըստ օրենքի` պաշտպանել է իր սեփական տարածքը: Այդ օրենքը թույլ է տալիս սպանել պոտենցիալ վտանգավոր մարդկանց: Ցիմերմանը դեռ ձերբակալված չէ, և նրան մեղադրանք չի ներկայացվել: Այս դեպքը մեծ վրդովմունք է առաջացրել հասարակության շրջանում: