Ինչպես հաղորդում է ABC News-ը, պատմության մեջ ամենախոշոր ջեքփոթը կբաժանվի երեք հաղթողների միջև: Շահող տոմսերը գնվել են ԱՄՆ Մերիլենդ, Կանզաս և Իլինոյս նահանգներում: Սկզբում հայտնում էին միայն, որ Մերիլենդում գնված տոմսն է շահել:
Վիճակախաղի ջեքփոթը կազմել է 640 մլն դոլար, իսկ հարկերի վճարումից հետո երեք հաղթողները իրար միջև կկիսեն 350 մլն դոլարը: Դեռ հայտնի չէ՝ հաղթողները ներկայացե՞լ են, թե՞ ոչ:
Գումարի մեծությունը պայմանավորված է այն հանգամանքով, որ հունվարի սկզբից Mega Millions վիճակախաղում ոչ ոք չէր հաղթել: Բացի այդ, խաղից մեկ օր առաջ այնքան շատ տոմսեր են վաճառվել, որ մեկ օրվա ընթացքում ջեքփոթը 10 անգամ մեծացել է. 48 ժամվա ընթացքում վաճառվել է 1,5 մլն դոլարի 200 մլն տոմս:
Նախորդ խոշոր վիճակախաղային շահումը կազմել է 390 մլն դոլար. այն 2007թ.-ին բաժանվել էր երկու շահողների միջև: