Երևանի «Միկա»-ի գլխավոր մարզիչ Արմեն Շահգելդյանը Բաքվի «Ինտեր»-ի հետ հանդիպման նախօրեին հարցազրույց է տվել Azerisport-ին:
– Ի՞նչ նշանակություն ունի ձեզ համար «Ինտերի» հետ հանդիպումը։
– Սովորական հանդիպում է, որում մենք ցանկանում ենք հաղթանակ տոնել։ Օրինակ՝ չորեքշաբթի մենք ցանկանում էինք հաղթել «Բոնյոդկորին» և արեցինք դա։
– Մի՞թե այս հանդիպումը ձեզ համար սկզբունքային չէ։
– Ես ֆուտբոլային ակումբի գլխավոր մարզիչ եմ, այլ ոչ թե քաղաքական գործիչ։ Իմ գործը սպորտն է։ Դրա համար չեմ հասկանում, թե ի՞նչ սկզբունքների մասին կարելի է խոսել այստեղ։
– Մի՞թե ոչ մի կերպ չի ազդում խաղացողների վրա այն հանգամանքը, որ մրցելու են երկու երկրների ներկայացուցիչներ, որոնք չեն կարողանում ապրել խաղաղության և համաձայնության մեջ։
– Ոչ։ Մարզչական շտաբը զբաղվում է այդ հարցով։ Մեզ համար «Ինտերի» հետ հանդիպումը միայն խաղ է։
– Ղեկավարությունը արդեն առաջադրանք տվե՞լ է այդ կապակցությամբ։
– Իհարկե։ Մենք փլեյ-օֆֆում ենք, իսկ այստեղ կարող է լինել ամեն ինչ։ Այսօր մենք խաղում ենք քառորդ եզրափակչում, ցանկանում ենք հայտնվել կիսաեզրափակչում։ Եթե անցնենք, արդեն կսկսենք մտածել եզրափակչի մասին։
– Ո՞ր ակումբներին եք ֆավորիտներ համարում։
– Ինձ համար ֆավորիտներ չկան: Ես մտածում եմ միայն իմ թիմի և առաջիկա մրցակցի մասին: Երեքշաբթի օրը դա «Բունյեդկոր»-ն էր, չորեքշաբթի կլինի «Ինտեր»-ը:
– Մենք նկատեցինք, որ ձեր թիմում շատ քիչ արտասահմանցիներ են հանդես գալիս, դա ակումբի մարտավարությո՞ւնն է:
– Ճիշտ այդպես: Մեր կազմում ընդամենը 4-5 արտասահմանցի կա, այդ պատճառով հավաքականում մի քանի ֆուտբոլիստով ենք ներկայացված:
