Ռուսական ВЗГЛЯД թերթի փոխանցմամբ՝ Հարավային Օսիայի նախագահի՝ հետհակամարտային կարգավորման գծով լիազոր ներկայացուցիչ Բորիս Չոչիևը հայտարարել է, թե ճիշտ չէ Աբխազիան ու Հարավային Օսիան «օկուպացված տարածքներ» անվանելը:
Նա հավելել է, որ նախ՝ տվյալ ձևակերպումը գործածել է Վրաստանը, իսկ ավելի ուժ այն հայտնվել է միջազգային տարբեր փաստաթղթերում՝ ընդգծելով, որ Արևմուտքի մի շարք երկրներ սկսել են ակտիվորեն գործածել այն:
Չոչիևի խոսքերով՝ այդ հարցը բարձրացվելու է Ժնևյան բանակցությունների 20-րդ փուլում, որը տեղի է ունենալու հունիսի 7-8-ին: Ժնևյան բանակցություններին մասնակցում են Վրաստանի, Ռուսաստանի, Աբխազիայի, Հարավային Օսիայի, ԱՄՆ, ԵԱՀԿ, ՄԱԿ և ԵՄ ներկայացուցիչները:
