«Թիվ 12 ընտրատարածքային ընտրական հանձնաժողովում երեկ կայացել է հանձնաժողովի նիստը, որին այդ ընտրատարածքում առաջադրված 6 թեկնածուներից` Կառլեն Գևորգյան, Լյովա Խաչատրյան, Գոհար Վեզիրյան, Տիգրան Տեր-Պետրոսյան, Ռոբերտ Մասումյան (Բենզին Ռուբո), Անահիտ Բախշյան, ներկա է եղել միայն ՀՅԴ ներկայացուցիչ Կառլեն Գևորգյանը»,- գրում է «Երկիր»-ը և հավելում.
«Հետաքրքիր է, որ վերոհիշյալ թեկնածուները նիստին չեն ներկայացել անգամ իրենց լիազոր ներկայացուցիչների դեմքով: Արդեն ակնհայտ է, թե ինչպիսի անպատասխանատվությամբ են թեկնածուները մոտենում ընտրական գործընթացներին: Այսպես էլ պատգամավոր են աշխատում` հինգ տարի ընտրողի երես չտեսնելով»:
