Ջոն Թեմփլթոնի հիմնադրամը մարտի 29-ին հայտարարել է, որ մրցանակի հերթական դափնեկիրը կդառնա տիբեթյան առաջնորդ Դալայ-լաման: Մրցանակը շնորհվում է «հոգևոր ոլորտի ամրապնդման հարցում բացառիկ ներդրման համար»: Այս մասին նշված է հիմնադրամի պաշտոնական կայքում:
Մրցանակի ու 1.7 մլն դոլար պարգևավճարի հանձնման արարողությունը տեղի կունենա մայիսի 14-ին Լոնդոնում՝ Սուրբ Պետրոսի տաճարում:
Հիմնադրամը նշել է նաև նրա կատարած աշխատանքը բուդդիզմի ու գիտության մոտեցման ու ուսումնասիրման հարցում` «հանուն այն բանի, թե ինչ առավելություն կարող են դրանք տալ աշխարհին»: Մասնավորապես ընդգծել են Դալայ-լամայի ջանքերը ողորմության բնույթն ուսումնասիրելու ուղղությամբ:
Ապագա դափնեկիրն արդեն արձագանքել է իր` մրցանակ ստանալու վերաբերյալ լուրին, շնորհակալություն հայտնելով հիմնադրամին՝ «իր համեստ վաստակը հանուն մարդկության բարօրության» գնահատելու համար:
Դալայ-լաման բուդդիստական Տիբեթի 14-րդ հոգևոր առաջնորդն է: Տիբեթը 1950-ից գտնվում է Չինաստանի օկուպացիայի տակ: Գլխավորելով Տիբեթը արտաքսման մեջ` Դալայ-լաման արդեն շատ տարիներ վարում է միջազգային արշավ Տիբեթի անկախության համար:
1989թ. նա դարձել է խաղաղության ոլորտում Նոբելյան մրցանակի դափնեկիր:
