Բրիտանացի աստղագետները պատմության մեջ առաջին անգամ արեգակնային աստղադիտարանի տեսախցիկով ֆիքսել են մի քանի հսկայական պլազմային տորնադոներ, որոնք տեղի ունեցել Արեգակի վրա, և սենսորային վիդեոկադրերը ցուցադրել են Մանչեսթրում անցկացվող բրիտանական ազգային աստղագիտական համաժողովում:
«Հնարավոր է` սա այդ կարգի մեծության տորնադոյի առաջին նկարն է, որը ստացվել է ուղեծրային աստղադիտակի օգնությամբ: SOHO զոնդը ավելի վաղ ֆիքսել էր ավելի փոքր ծավալներ, սակայն չէր կարողացել լուսանկարել դրանք կամ նկարահանել»,- ասել է Մեծ Բրիտանիայի Աբերիստվիտ քաղաքի համալսարանի գիտական խմբի ղեկավար Սին Լին: Այս մասին հայտնում է RIA Novosti գործակալությունը:
Աստղագետների խումբը, Լիի ղեկավարությամբ, 2011 թ. սեպտեմբերին Արեգակի մակերեսի վրա հայտնաբերել էր տորնադո:
SDO ապարատը գործարկվել էր 2010 թ. փետրվարի 11-ին ու համնարվում է Արեգակի ուսումնասիրության ամենակատարյալ գործիքը: 5 տարվա առաքելության ընթացքում այն պետք է ուսումնասիրի աստղի մագնիսական դաշտն ու դրա ազդեցությունը Երկրագնդի և կլիմայի վրա:
Հիշեցնենք, որ Արեգակի մակերևույթին բռնկված տորնադոյի չափերը 5 անգամ գերազանցում են Երկիր մոլորակի չափերը:
Գերտաքացած գազերը, որոնց ջերմաստիճանը Centigrade-ի սանդղակով հասնում է 2 միլիոն աստիճանի, շարժվում են ժամում 300 հազար կմ արագությամբ:
Տորնադոյի հետևանքով առաջացած հզոր մագնիսական դաշտը կարող է Երկրի վրա էլեկտրամատակարարման խափանումներ առաջացնել:
