Անգլիական «Մանչեսթեր Յունայթեդ»-ի հարձակվող Սերխիո Ագուերոն հայտնել է, որ իր թիմն առաջնության մնացած բոլոր հանդիպումներում ողջ էներգիան կծախսի խաղադաշտում, որպեսզի չեմպիոն հռչակվի:
«Ինչու հաջորդ մրցաշրջանին թողնենք այն, ինչին կարող ենք հասնել նաև այս տարի: Ես «քաղաքայիններ»-ի երկրպագուներին խոստանում եմ, որ ամեն խաղում կպայքարենք մինչև վերջ: Ֆուտբոլիստները գիտեն, որ դա անելն այնքան էլ հեշտ չէ, սակայն պատրաստ ենք անել ամեն ինչ՝ Անգլիայի Պրեմիեր Լիգայի ընթացիկ առաջնությունում հաղթանակի հասնելու համար»,- Ագուերոյի խոսքը մեջբերել է «Մանչեսթեր Սիթի»-ի պաշտոնական կայքը:
Հիշեցնենք, որ այս մրցաշրջանում Կուն Ագուերոն Անգլիայի Պրեմիեր Լիգայում մասնակցել է «քաղաքայիններ»-ի 27 հանդիպման և դարձել է 17 գոլի հեղինակ:
Անգլիայի Պրեմիեր Լիգայի ընթացիկ առաջնության 30-րդ տուրից հետո մրցաշարային աղյուսակը գլխավորում է «Մանչեսթեր Յունայթեդ»-ը, որը վաստակել է 73 միավոր, իսկ «Մանչեսթեր Սիթի»-ն իր ակտիվում ունենալով 70 միավոր՝ զբաղեցնում է երկրորդ հորիզոնականը:
