Այսօր Հայաստան է ժամանել Սևծովյան առևտրի և զարգացման բանկի պատվիրակությունը` բանկի նախագահ Անդրեյ Կոնդակովի գլխավորությամբ: Բանկի պատվիրակությունը հանդիպումներ է ունենալու ՀՀ նախագահի, ֆինանսների նախարարի, Կենտրոնական բանկի նախագահի և «Արդշինինվեստբանկի» ղեկավարության հետ: Այս մասին ասվում է ԿԲ հասարակայնության հետ կապերի ծառայության տարածած հաղորդագրության մեջ: Նշենք, որ Սևծովյան առևտրի և զարգացման բանկը (Black Sea Trade and Development Bank) հիմնադրվել է Սևծովյան տնտեսական համագործակցության (Black Sea Economic Cooperation) 11 հիմնադիր երկրների կողմից (Հայաստան, Ալբանիա, Ադրբեջան, Բուլղարիա, Թուրքիա, Հունաստան, Մոլդովա, ՌԴ, Ռումինիա, Վրաստան, Ուկրաինա) 1997 թ. կնքված պայմանագրի հիման վրա և իր գործունեությունը սկսել 1999 թ.-ից` որպես այդ համագործակցության ֆինանսական հենասյուն: Հայաստանի Հանրապետության մասնաբաժինը Բանկի կապիտալում կազմում է 1%:
