Լեհաստանի նախկին նախագահ Լեխ Վալենսան բաց նամակ է գրել, որտեղ «ցավ ու զզվանք» է արտահայտել ԶԼՄ-ներում հայտնված այն նյութերի դեմ, որոնք ակնարկում են իր` կոմունիստական իշխանության տարիներին անվտանգության ծառայության հետ համագործակցության մասին: Այս մասին հայտնում է «Լեհական ռադիոն»:
Խաղաղության Նոբելյան մրցանակակիրը գրել է, որ դարձել է ցինիկ թունավորման օբյեկտ ուլտրապահպանողական ԶԼՄ-ների կողմից, որոնք անընդհատ ասում են, որ «գործակալ Բոլեկը»` Գդանսկի տեղեկություններ հավաքողը, որի անունը հիշատակվում է պետանվտանգության փաստաթղթերում, հենց Վալենսան է:
Գաղտնազերծված արխիվների համաձայն` այդ գործակալն ակտիվ համագործակցել է 1970-ականներին Լեհաստանի կոմունիստական կուսակցության պատժիչ ապարատի հետ` մինչ Солидарность պրոֆմիության ձևավորումը, որի առաջնորդը դարձավ Վալենսան:
Նախկին նախագահն իր նամակում դժգոհել է, որ իրեն փակցված «գործակալ Բոլեկ» անունը մանիպուլյացիա է ու «նպատակ ունի հարուցել ոչ քրիստոնեական զգացումներ` իր անձի հանդեպ ատելություն ու դատապարտում»:
Լուրերն այն մասին, որ Վալենսան համագործակցել է լեհական իշխանությունների հետ, հայտնվեցին դեռ 1990-ականներին:
1980-ականներին Լեխ Վալենսան գլխավորեց համաժողովրդական շարժումները ու գործադուլները Լեհաստանում, որոնք հանգեցրին երկրում կոմունիստական ռեժիմի կործանմանը:
