Ինչպես հաղորդում է РИА-Новости գործակալությունը, Իսպանիայի մայրաքաղաք Մադրիդից ոչ հեռու գտնվող Վիլյանուեվա դե Պարալես քաղաքում հայտնաբերվել է Եվրոպայի թմրանյութերի ամենամեծ ընդհատակյա լաբորատորիան: Այնտեղ ձերբակալվել է մոտ 25 մարդ: Այս մասին հայտնել է Իսպանիայի ներքին գործերի նախարարության մամուլի ծառայությունը:
«Կոլապսո» անունը կրող գաղտնի օպերացիայի ժամանակ առգրավվել է ավելի քան 300 կգ կոկաին, 33 տոննա քիմիական նյութեր, որից պատրաստել են թմրանյութեր, մոտ 2 մլն եվրո, զենք, զինամթերք, թանկարժեք մեքենաներ, հեռախոսներ, մոտ 50 մլն դոլար արժողությամբ անշարժ գույքի սեփականության վկայականներ:
Ձերբակալվածների մեջ Իսպանիայի և Կոլումբիայի քաղաքացիներ են, ինչպես նաև փաստաբանական գրասենյակի ներկայացուցիչներ, որոնց միջոցով այս բիզնեսը հասել էր լուրջ հաջողությունների: