Հռոմի պապ Բենեդիկտոս 16-րդը երեքշաբթի օրն աղոթել է Կուբայի բարօրության համար, սակայն պետության կոմունիստ առաջնորդներն արագ մերժել են կաթոլիկ եկեղեցու առաջնորդի կոչը քաղաքական փոփոխություն իրականացնելու վերաբերյալ:
The Washington Post-ը հաղորդում է, որ այս խոսակցությունը եղել է այն ժամանակ, երբ Հռոմի պապը 55 րոպե տևողությամբ հանդիպում է ունեցել նախագահ Ռաուլ Կաստրոյի հետ: Հանդիպման ընթացքում նա առաջարկել է Կաստրոյին Ավագ ուրբաթը, որը համարվում է Հիսուս Քրիստոսի մահվան հիշատակության օրը, դարձնել տոն:
Կառավարության կողմից դեռևս հստակ պատասխան չի եղել։ Վատիկանի խոսնակն ասել է, թե բնական է, որ կառավարությունը պետք է որոշ ժամանակ մտածի նման որոշում ըւնդունելուց առաջ:
Նա նաև ավելացրել է, որ սա չի փոխի իրականությունը, բայց դրական քայլի նշան կարող է լինել:
