«Մի քանի ամիս առաջ մենք հստակ նշեցինք, որ ՀՀԿ համամասնական ցուցակով որևէ գործարար մուտք չի գործի ԱԺ: Հանրապետական կուսակցությունը ԱԺ կբերի միայն քաղաքական դեմքերի:»,- այս մասին այսօր «Հեռանկար» հաղորդաժի ընթացքում ասաց ԱԺ փոխնախագահ Էդուարդ Շարմազանովը:
Խոսելով Հերմինե Նաղդալյանի մասին՝ Շարմազանովը փաստեց, որ իրենց կուսակցությունը առաջադրել է այն մարդկանց, ովքեր ունեն հեղինակություն. «Մեր Սահմանադրությունը չի արգելում մարդուն, ով ունի սեփականություն, մտնել ԱԺ: Հերմինե Նաղդալյանը մեր բոլորի համար նախևառաջ քաղաքական գործիչ է»:
Նա փաստեց, որ ՀՀԿ-ի համար պյուռոսյան հաղթանակներ հարկավոր չեն. «Մեր հիմնական նպատակը ոչ թե ամեն գնով հաղթելն է, այլ՝ որպես քաղաքական պատասխանատու ուժ, այնպես անել, որ ընտրությունները համապատասխանեն եվրոպական միջազգային ժողովրդավարական չափանինշներին: Բնականաբար մեր մեծամասնական պատգամավորները պարտավոր են գործել օրենքի շրջանակներում. կապ չունի ում բարեկամն են կամ էլ ինչ կուսակցությունից են:
Հանրապետականի համար կարևորը ժողովրդավարությունն է»,- ապա հավելեց,- «Հանրապետակնները կստատարեն առաջադրված այն 33 թեկնածուներին, ում վերաբերյալ գործարար մարմինը և խորհուրդը կընդունեն որոշում»:
Խոսելով ՀՀԿ շտաբերի առատության մասին՝ ասաց, որ եթե որոշ կուսակցություններ ընտրությունից ընտրություն են ակտիվանում, ապա այս կուսակցության շտաբերը մշատպես գործող գրասենյակներ են եղել. «Եթե այլ կուսակցություներ 5 տարին մեկ են հիշում հասարակությանը, ապա մենք միշտ գործում ենք, պարզապես, քանի որ մտնում ենք նախընտրական շրջան, փակցվում է նախընտրական շտաբ անվանումը»:
