Ջեյն Ֆոնդան կխաղա ԱՄՆ նախկին առաջին տիկնոջ`Նենսի Ռեյգանի դերը Լի Դենիելսի «Սեղանապետ» ֆիլմում (The Butler): Այդ մասին տեղեկացնում է Variety-ն:
Ֆիլմը կպատմի Յուջին Ալենի` սևամորթ սեղանապետի մասին, որն աշխատում էր Սպիտակ տանը շուրջ 34 տարի: Ալենը թոշակի է անցել 1986թ., այսինքն՝ ճիշտ այն ժամանակ, երբ ՍՄՆ նախագահն էր Ռոնալդ Ռեյգանը: Դենիելսի ֆիլմի գլխավոր դերը առաջարկում են Ֆորեստ Ուիթակերին: Որպես Յուջին Ալենի կնոջ դերի թեկնածու դիտարկվում է Օփրա Ուինֆրին, ներկա պահին նրա հետ բանակցում են:
«Սեղանապետը» ֆիլմի սցենարը գրել է Դենի Սթրոնգը, որը նախկինում աշխատել է Սառա Փեյլինի մասին պատմող «Խաղը փոխվել է» հեռուստատեսային ֆիլմի վրա:
