Թունիսում իշխող «Նախդա» կուսակցության չափավոր իսլամիստները հայտարարել են, որ կառավարման նոր իրավական համակարգի ու Սահմանադրության հիմքում չպետք է դրվի շարիաթը: Այս մասին գրում է Reuters-ը:
Իշխող կուսակցության ներկայացուցիչ Ամեր Լարայեդի խոսքով`ընդհանուր առմամբ Սահմանադրության հիմքում կդրվեն աշխարհիկ օրենքներ, որպեսզի «պահպանեն հասարակության միասնությունն ու տարաձայնությունների տեղիք չտան»:
Փաստաթղթում պետական կրոն է հռչակվելու իսլամը, սակայն հիմնական օրենքում շարիաթի մասին հատուկ հղումներ չի ունենալու: Ավելի վաղ «Նախդայի» ներկայացուցիչները տարբեր գնահատականներ էին տալիս երկրի ապագա Սահմանադրությանը: Նրանցից ոմանք չէին բացառում, որ շարիաթի կանոններ, այնուամենայնիվ, կլինեն:
Թունիսի արմատական իսլամիստները պահանջում են երկրում հաստատել պահպանողական կարգուկանոն: Նրանք մասնավորապես պնդում են, որ կանայք ծածկեն իրենց դեմքը, երկրում արգելվի ալկոհոլի վաճառքը և այլն: Շատ իսլամիստներ պնդում են, որ երկիրը զարգանա արևմտյան չափանիշներով:
Սահմանադրության նախագիծը կարող է հաստատվի, եթե դրան կողմ քվեարկի պատվիրակների մեծամասնությունը: Հակառակ պարագայում այն կդրվի համաժողովրդական հանրաքվեի:
