Հայաստանը Եվրատեսիլի կիսաեզրափակչում կմրցի Վրաստանի, Թուրքիայի և Ադրբեջանի հետ

Այսօր գերմանական Դյուսելդորֆ քաղաքի Apollo Varieté Theater թատրոնում տեղի է ունեցել Եվրատեսիլ 2011-ի կիսաեզրափակիչների վիճակահանությունը:
Այս տարի էլ վիճակահանության կարգում տեղի են ունեցել փոփոխություններ: Եթե նախորդ տարի նույն տարածաշրջանի երկրները հնարավորին կերպով չէին հայտնվում նույն կիսաեզրափակչում, ապա այս տարի այդ սկզբունքը կրկին փոխվել է:
Հայտնի է դարձել, որ 2011թ. մայիսի 10-ին կայանալիք առաջին կիսաեզրափակչին Հայաստանի մրցակիցներն են Ադրբեջանը, Վրաստանը, Թուրքիան, Ռուսաստանը, Հոլանդիան, Շվեյցարիան, Նորվեգիան, Ալբանիան, Ֆինլանդիան, Սերբիան, Լեհաստանը, Խորվաթիան, Լիտվան, Հունգարիան, Իսլանդիան, Հունաստանը, Պորտուգալիան:
Առաջին կիսաեզրափակչում իրավունք կունենան քվեարկելու նաև Մեծ Բրիտանիան և Իսպանիան, որոնք ավանդականորեն մրցույթի եզրափակչի ուղիղ մասնակից են:
Երկրորդ կիսաեզրափակչում կմրցեն Բոսնիա և հերցեգովինան, Ուկրաինան, Կիպրոսը, Բելառուսը, Ավստրիան, Շվեդիան, Մոլդովան, Բելգիան, Իսրայելը, Մակեդոնիան, Դանիան, Բուլղարիան, Լատվիան, Մալթան, Սան Մարինոն, Էստոնիան, Ռումիանիան, Սլովակիան, Սլովենիան, Իռլանդիան:
Այս կիսաեզրափակչում քվեարկելու իրավունք են ստացել մյուս երեք մշտական մասնակիցները` Գերմանիան, Իտալիան և Ֆրանսիան:
Հիշեցնենք, որ այս մրցույթին նախորդ տարիների քվեարկության կարգի փոխարեն հնարավոր կլինի քվեարկել նաև ողջ համերգի ընթացքում, այլ ոչ թե վերջին 15 րոպեների: Մասնագետները նշում են, որ այս դեպքում աամենևին պարտադիր չէ, որ ավելի վաղ ստացած մասնակից երկրի ներկայացուցիչն առավելություն է ստանում մյուսների նկատմամաբ: Սա նաև թույլ կտա խուսափել հեռախոսային գծերի ծանրաբեռնվածությունից, ինչը լինում էր նախորդ տարիներին: