Արդեն մոտ ժամանակներս սկանդալային բացահայտումներով հայտնի WikiLeaks-ը ձեռք կբերի հայտնի մարդկանց բանկային գաղտնիքները: Կայքի հետ համագործակցելու պատրաստակամություն է հայտնել շվեցարական Julius Baer բանկի նախկին աշխատակից Ռուդոլֆ Էլմերը: Բրիտանական թերթերին տված հարցազրույցում նա հայտնել է, որ տվյալներ ունի հայտնի մարդկանց մոտ 2000 գաղտնի հաշիվների մասին: Ըստ նրա՝ օրինախախտների շարքում կան շոու-բիզնեսի աստղեր, հայտնի բիզնեսմեններ, քաղաքական գործիչներ ԱՄՆ-ից, Մեծ Բրիտանիայից, Գերմանիայից և ասիական երկրներից: Էլմերը պնդում է, որ նա ինքը հավաքել է ինֆորմացիայի մի մասը` լինելով Կայմանյան կղզիների մասնաճյուղի վարիչ, իսկ մնացածը` ստացել է իր գործընկերներից: Բացահայտումների մասին ավելի մանրամասն Էլմերը խոստացել է պատմել Լոնդոնում կայանալիք մամուլի ասուլիսի ժամանակ, որին ներկա է լինելու նաև ներկայացուցիչ WikiLeaks-ից: Էլմերը արդեն մի անգամ համագործակցել WikiLeaks-ի հետ է 2007-ին: Այդ բանից հետո նրան կանչել են շվեցարական դատարան բանկային գաղտնիքների բացահայտելու մեղադրանքով: