Ինչպես այսօր մամուլի ասուլիսի ժամանակ հայտարարել է Վրաստանի արտաքին գործերի նախարարի տեղակալ Նինո Քալանդաձեն, Ադրբեջան առաջիկա այցի ժամանակ Վրաստանի արտաքին գործերի նախարար Գրիգոլ Վաշաձեն չի քննարկելու Վրաստանի տարածքով Հայաստան մտնող գազամուղի վաճառքի հարցը:
Փոխարտգործնախարարի խոսքերով, այդ գազամուղի գնմամբ շահագրգռված է մի մասնավոր ընկերություն, և այս պահին պետական մակարդակով բանակցությունների մասին խոսք չի գնում:
Հիշեցնենք, որ երկու օր առաջ գազամուղի հնարավոր գնման լուրը հաստատել էր ադրբեջանական ամենախոշոր՝ SOCAR նավթագազային ընկերության նախագահը` հայտնելով, որ այն օգտագործվելու է ադրբեջանական գազը սևծովյան ավազան արտահանելու համար: