Մեծ Բրիտանիայի Լանկաստեր համալսարանի գիտնականներն ապացուցել են, որ կախարդների և մոգության մասին ֆիլմերը զարգացնում են երեխաների երևակայությունն ու ստեղծագործական միտքը:
Անցկացնելով մի շարք ուսումնասիրություններ՝ գիտնականները եզրակացրել են, որ գերբնական պատմությունները զարգացնում են երեխայի միտքը. տեղեկացնում է Science Daily-ը:
Փորձին մասնակցել են նախադպրոցական տարիքի 52 երեխա, որոնց բաժանել են 2 խմբի: Մի խումբը դիտել է «Հարի Փոթերը և Փիլիսոփայական քարը» ֆիլմի այն դրվագները, որտեղ հերոսները օգտագործում են կախարդական փայտիկ և կախարդական բառեր: Երկրորդ խումբը դիտել է նույն ֆիլմը՝ նույն հերոսներով, բայց արդեն առանց կախարդանքի մասին դրվագների:
Այնուհետև երեխաները ստեղծագործական ունակությունների վերաբերյալ թեստ են լրացրել: Նրանք պետք է ներկայացնեին, օրինակ՝ ճագար, կամ պետք է պատկերացնեին, թե իբր մեքենա են վարում: Նրանց նաև խնդրել էին մտածել, թե ինչ եղանակով է ավելի լավ պլաստմասսայե բաժակը նետել դույլն ու գտնել այն օգտագործելու այլ տարբերակներ:
Պարզվել է, որ այն երեխաները, ովքեր դիտել են ֆիլմը՝ կախարդանքով լի դրվագներով, ավելի շատ են ստեղծագործական մոտեցում հանդես բերել, քան մյուսները:
Ահա թե ինչու են հետազոտողները եկել այն եզրակացության, որ կախարդների մասին ֆիլմերը խթանում են երեխաների ստեղծագործական միտքը:
