Մալիի պետական հեռուստատեսությունը նորից սկսել է հեռարձակումները, իսկ զինվորականությունը խոստացել է հանդես գալ հատուկ հայտարարությամբ: Այս մասին հաղորդում է Reuters գործակալությունը:
Արևմտյան Աֆրիկայում գտնվող այս պետությունում երեկ երեկոյան կատարվել է զինված պետական հեղաշրջման փորձ. զինվորականները դադարեցրել էին պետական հեռուստատեսության հեռարձակումը և սկսել նախագահական նստավայրի գրոհը:
Զինվորականները կառավարությանը մեղադրել են տուարեգների ապստամբության դեմ անհրաժեշտ քայլեր չձեռնարկելու և նրանց դեմ բավարար պայքար չմղելու մեջ: Տուարեգների ապստամբության պատճառով արդեն 200 հազար մարդ փախստական է դարձել:
Հայտնի է, որ ոչ վաղ անցյալում զինվորականները դիմել էին նախագահին` խնդրելով իրենց ապահովել անհրաժեշտ սարքավորումներով և զենքով` ապստամբների դեմ արդյունավետ պայքար մղելու համար:
