«Փոլիսի Ֆորում Հայաստան» կազմակարպությունը (Փի. Էֆ. Էյ.) հրապարակեց «Բնապահպանական իրավիճակը Հայաստանում» զեկույցը։ Զեկույցը ներկայացնում է Հայաստանի առջև ծառացած բնապահպանական մարտահրավերների ընդհանուր նկարագրությունը և ընդգծում է ստեղծված իրավիճակի լրջությունը: Այս զեկույցը նպատակ ունի հանդես գալ որպես մի համապարփակ հղում երկրի զարգացման հետ սերտորեն կապված բնապահպանական հարցերի և խնդիրների բարդ ամբողջությանը։ Կոռուպցիան և բնապահպանական ակտիվիզմը նույնպես քննարկված են սույն զեկույցում։
Զեկույցը պնդում է, որ բնապահպանության ոլորտի կառավարման բարելավումը պահանջում է քաղաքականության մշակման ոլորտում ընդունված որոշումների թափանցիկության և հանրային մասնակցության բարձրացում, ինչպես նաև առկա օրենսդրության արդյունավետ կիրառում։ Հայաստանի հյուսիսում (Թեղուտի օրինակն է քննարկվում է զեկույցում) բաց հանքի շահագործումը մի օրինակ է, որտեղ անհրաժեշտ է քաղաքականության հրատապ փոփոխություն և գործող ընթացակարգերի կիրառումը։
Զեկույցի առաջին բաժինը ներկայացնում և հիմնավորում է այս ուսումնասիրության անհրաժեշտությունը։ Երկրորդ բաժինը ներկայացնում է բնապահպանական իրավիճակը Խորհրդային տարիների ընթացքում, ինչպես նաև այն խնդիրները, որոնք առաջացան անկախության առաջին տարիներին և էլ ավելի սրություն ստացան էներգետիկ ճգնաժամի պատճառով։ Զեկույցի երրորդ բաժինը վերլուծում է արդի Հայաստանի առջև ծառացած մի շարք բնապահպանական սպառնալիքներ։ Չորրորդ բաժինը առանձին մանրամասն վերլուծության է ենթարկում Թեղուտի անտառում իրականացված հանքաարդյունաբերական ծրագիրը, իսկ հինգերորդ բաժինը ամփոփում է վերլուծությունը։
Այս զեկույցը թվով երկրորդ է Փի. Էֆ. Էյ-ի հրապարակած «Ազգի վիճակը» (State of the Nation) շարքից, որը նպատակ ունի գնահատելու Հայաստանում և Սփյուռքում տեղի ունեցող և առանցքային նշանակություն ունեցող զարգացումները։ Զեկուցը հասանելի է www.pf-armenia.org/reports հասցեով։ Ոչ հեղինակները և ոչ էլ զեկույցի խմբագիրները իրենց ներդրման համար որևէ փոխհատուցում չեն ստացել։
Փի. Էֆ. Էյ.-ը անկախ շահույթ չհետապնդող ասոցիացիա է, որ նպատակ ունի ամրապնդելու Հայաստանի տնտեսական զարգացման և ազգային անվտանգություն խոսույթը և դրա միջոցով աջակցել Հայաստանում հանրային քաղաքականության կերտմանը։
