Քիչ առաջ ավարտվեց Հոլանդիայի Վեյկ-ան-Զե քաղաքում մեկնարկած շախմատի ավանդական սուպերմրցաշարի առաջին տուրը: Հայաստանի ուժեղագույն շախմատիստ Լևոն Արոնյանը սև ֆիգուրներով ոչ-ոքի խաղաց ՖԻԴԵ-ի վարկանիշային աղյուսակում առաջին հորիզոնականը զբաղեցնող նորվեգացի Մագնուս Կառլսենի հետ։ Նորվեգացի հրաշամանուկը շատ ագրեսիվ սկսեց պարտիան, և մի պահ թվաց, թե նա կկարողանա 1 միավոր վաստակել, բայց Լևոնը ոչ միայն կարողացավ լավ պաշտպանվել, այլև հաղթելու հնարավորություն ունեցավ: Ինչևէ, հավասար մրցակիցների պայքարում գրանցվեց ոչ-ոքի արդյունք: Առաջին տուրի մյուս պարտիաներում գրանցվեցին հետևյալ արդյունքները.
Պոնոմարյով – Անանդ 0-1
Լ’Ամի – Գիրի 1/2
Սմիթս – Շիրով 1-0
Նակամուրա – Գրիշչուկ 1-0
Վաշիե-Լագրավ – Վան Հաո 1/2
Նեպոմնյաշչի – Կրամնիկ 1/2
Վաղը Լևոնը սպիտակ ֆիգուրներով կմրցի Նակամուրայի հետ:
Մրցաշարի B խմբում հանդես եկող Գաբրիել Սարգսյանը մեկնարկային պարտիայում առավելության հասավ Գանգուլիի նկատմամբ: Մյուս պարտիաներում գրանցվեցին հետևյալ արդյունքները.
Տկաչեւ – Ֆրեսինե 1/2
Նիյբոեր – Լի Չաո 1/2
Մակշեյն – Սփուլմեն 1-0
Վոյտաշեկ – Նավարա 0-1
Լիմ – Սո 1/2
Համեր – Եֆիմենկո 0-1