1942թ. այս օրը Թբիլիսիում մահացավ բանաստեղծ, դրամատուրգ, ԽՍՀՄ գրողների միության անդամ (1934-ից) Վահան Աղաբեկի Միրաքյանը:
Ծնվել է 1866թ. նոյեմբերի 6-ին Շուլավեր գյուղում։ 1873-ին սովորել է Սանահինի Սուրբ Աստվածածին վանքի դպրոցում, 1880-1886-ին` արհեստավորաց դպրոցում, 1888-ին ավարտել է Գորիի ուսուցչական սեմինարիան։
1889-ից ուսուցչություն է արել Շուլավերում, Ջալալօղլիում, Էջմիածնի Գևորգյան ճեմարանում, Նուխիում, Նոր Նախիջևանում, Թիֆլիսում։ 1924-ին փոխադրվել է Երևան, աշխատել Ձերժինսկու անվան դպրոցում որպես հայոց լեզվի և գրականության ուսուցիչ։
Նրա առաջին բանաստեղծությունը` «Երեք վարդ», լույս է տեսել 1887-ին, «Աղբյուր» ամսագրում (Թիֆլիս)։ Վ. Միրաքյանի «Լալվարի որսը» պոեմի առաջին անգամ տպագրվել է 1901-ին «Մուրճ» ամսագրում։
Այդ պոեմը թարգմանվել է ռուսերեն (1942), պարսկերեն։ «Լալվարի որսը» պոեմի հիման վրա գրվել է պիես, օպերա, ստեղծվել գեղարվեստական կինոնկար։ Վ. Միրաքյանը գրել է նաև «Մանուշի հարսանիքը», «Նոր գյուղի շեմքին», «Խոզարածի կինը» պիեսները։
Թաղվել է Երևանում։