Բրիտանացի դերասան Ջեյմի Վեյլեթը, որը Հարի Փոթերի մասին ֆիլմերում մարմնավորում էր նրա գլխավոր թշնամուն, երկուշաբթի դատարանում խոստովանել է, որ մասնակցել է անցյալ տարվա օգոստոսին Լոնդոնում տեղի ունեցած զանգավծային անկարգություններին: Այս մասին գրում է Evening Standard թերթը:
2011 թ. օգոստոսին Լոնդոնում տեղի ունեցան զանգվածային անկարգություններ այն բանից հետո, երբ ոստիկանությունը սպանեց թմրանյութերի վաճառքի մեջ կասկածվող 29-ամյա Մարկ Դագանին: Դրանից հետո Լոնդոնում և Անգլիայի մի շարք քաղաքներում անկարգություններ բռնկվեցին, որոնց մասնակիցները կոտրում էին խանութների ցուցափեղկերը, այրում ավտոմեքենաներ:
22-ամյա Վեյլեթ Մալֆոյը հայտնվել է ոստիկանության ուշադրության կենտրոնում, քանի որ նրան ֆիքսել էին տեսախցիկները: Դերասանին մեղադրանք է ներկայացվել անկարգություններին մասնակցելու և հրդեհելու ճանապարհով օտար գույքին վնաս հասցնելու մեջ:
Դատախազ Ռեբեկի Համերսթոունը հայտնել է, որ տեսախցիկները սկզբում ֆիքսել են դերասանին թալանված սուպերմարկետներից մեկի մոտ: Տեսագրության մեջ երևում է, որ նրան շամպայնի շիշ են մեկնում:
Վեյլեթը խոստովանել է, որ որոշ ժամանակ իր մոտ է պահել հրակայուն նյութով շիշը, որը նրան ծանոթներից մեկն էր տվել, և ինքը չի կարողացել հրաժարվել: Սակայն նշել է, որ դա նետել է աղբարկղը:
Նշենք, որ դերասանը նախկինում նույնպես խնդիրներ է ունեցել օրենքի հետ թմրանյութեր աճեցնելու համար:
