Հայ գործարարները մտադիր են մինչև 7 մլն դոլար ներդնել Վրաստանի տուրիստական գոտիներում: Միայն 5 մլն դոլար ներդրվելու է Քոբուլեթիի տուրիստական գոտում: Այս մասին ասվում է http://bizzone.info կայքում` առանց նշելու գործարարների անունները: Գործարարների խոսքով, իրենք հանդիպումներ են ունեցել Վրաստանի Էկոնոմիկայի նախարարության ներկայացուցիչների հետ և ներկայացրել Քոբուլեթիում երկու հյուրանոց կառուցելու հայտ: Այս պահին նրանք խորհրդակցություններ են անցկացնում Անակլի տուրիստական զոնայում ներդրումներ իրականացնելու վերաբերյալ: Հայ գործարարները նշել են, որ կարող են Անակլիում մինչև 2 մլն դոլարի ներդրումներ անել: Նրանք նաև շեշտել են, որ իրենց գրավում է Վրաստանի հարկային օրենսդրությունը, որը մի շարք արտոնություններ է տալիս տուրիստական գոտիներում ներդրումներ իրականացնողներին: Ըստ http://bizzone.info կայքի` Վրաստանի ազատ տուրիստական գոտիներում այս պահին գործում են 20 խոշոր ներդրողներ: