Ադրբեջանի պետական նավթային ընկերությունը (ԱՊՆԸ) շարունակում է բանակցությունները Ռուսաստան-Հայաստան գազատարի վրացական հատվածը մասնավորեցնելու վերաբերյալ: Ադրբեջանական գործակալությունների հաղորդմամբ` այս մասին երեկ հայտարարել է ԱՊՆԸ-ի նախագահ Ռովնաղ Աբդուլաևը: Նրա խոսքով, իրենք այս պահին բանակցություններ են վարում այս հարցի շուրջ Վրաստանի կառավարության և Վրաստանի նավթային կորպորացիայի հետ:
«Ադրբեջանական կողմը մտադիր է օգտագործել այդ գազատարը իր գազը Սև ծովի ափեր արտահանելու համար»,- հայտարարել է Աբդուլաևը: Հիշեցնենք, որ վրացական կողմն արդեն հանել է Ռուսաստանից Հայաստան եկող գազատարի վրացական հատվածը Վրաստանի` ստրատեգիական նշանակություն ունեցող կառույցների ցանկից: «Այդ գազատարը չի Վրաստանի համար ստրատեգիական նշանակություն ունեցող չէ, և այժմ այն վաճառելու համար նախապատրաստական աշխատանքներ են կատարվում»,- ասել է Աբդուլաևը: