ИТАР-ТАСС-ի փոխանցմամբ՝ Թուրքիայի արտգործնախարար Ահմեդ Դավութօղլուն իր մարոկացի գործընկեր Սաադ Ադ-դին Ալ-Օսմանիի հետ հանդիպումից հետո կազմակերպված համատեղ մամուլի ասուլիսում անդրադարձել է Սիրիայի խնդրին.
«Սիրիայում անվտանգության պայմաններն ու հումանիտար իրավիճակը շարունակում են վատթարանալ: Դրա հետ կապված՝ մենք ձեռնարկում ենք որոշակի միջոցներ, որոնք մշակել ենք ավելի վաղ: Մենք մեր քաղաքացիներին խորհուրդ ենք տվել լքել Սիրիայի տարածքը:
Վերջին շրջանում մեր քաղաքացիների հետ կապված ցավալի իրադարձություններ տեղի ունեցան Սիրիայում. սպանվեց բեռնատարի վարորդ, անհետացան լրագրողներ: Մենք ակտիվ աշխատանքներ ենք տանում նրանց հայտնաբերելու ու փրկելու ուղղությամբ: Սոցցանցերում տեղեկատվություն է հայտնվել նրանց գտնվելու վայրի մասին, սակայն պաշտոնական որևէ տեղեկություն դեռ չկա»:
Հիշեցնենք, որ սրանից առաջ էլ Ահմեդ Դավութօղուն The Cairo Review-ին տված հարցազրույցի ժամանակ հայտարարել է, որ Սիրիայում տիրող իրավիճակը սպառնում է միջազգային խաղաղությանն ու անվտանգությանը:
