2008թ. Իսլանդիան դիմել է ԱՄՆ-ին 1 մլրդ դոլար վարկ ստանալու խնդրանքով: Այդ մասին վկայում է 2008թ. հոկտեմբերին Իսլանդիայի կենտրոնական բանկի ղեկավար Դևիդ Օդսոնի նամակը` հասցեագրված ԱՄՆ ֆինանսների նախարար Թիմոթի Գեյթներին, որը տեղադրված է WikiLeaks կայքում:
Ավելին, Associated Press-ի փոխանցմամբ, ԱՄՆ-ում Իսլանդիայի դեսպան Կորոլ վան Վորսթը համոզել է ԱՄՆ կառավարությանը բավարարել Ռեյկյավիկի խնդրանքը` զգուշանալով այն հանգամանքից, որ մերժման դեպքում Իսլանդիան կարող է վարկ վերցնել Ռուսաստանից:
Մոսկվան եւ Ռեյկյավիկը նախնական բանակցություններ են վարել Իսլանդիային 5.4 մլրդ դոլար վարկ տրամադրելու համար, որն, ի դեպ, հաջողությամբ չի պսակվել:
Մի շարք ամերիկացի դիվանագետներ մտահոգված էին, որ փոխարենը Ռուսաստանը իսլանդական իշխանություններից կպահանջի վարձակալությամբ տալ իսլանդական Կեբլիվիկ քաղաքում գտնվող նախկին ամերիկյան ռազմաբազաները: Բացի այդ, ամերիկացի դիվանագետները պնդում էին, որ Իսլանդիային վարկ տրամադրելը Ռուսաստանը կարող էր պայմանավորել իսլանդական բնական ռեսուրսների արդյունահանումը համատեղ կազմակերպելու ցանկությամբ:
Այդուամենայնիվ, Վաշինգտոնը մերժել է Ռեյկյավիկին վարկ տրամադրել, և վերջինս 2.1 մլրդ դոլար վարկ է ստացել Արժույթի միջազգային հիմնադրամից, ինչպես նաև մի շարք վարկեր` այլ երկրներից:
Այս մասին գրում է RBC-ն:
Friday, 19 04 2024
WikiLeaks. 2008թ.-ին ԱՄՆ-ը և Ռուսաստանը կռիվ էին տալիս Իսլանդիայի համար
Ամենաընթերցված
Բաժիններ
Ուղիղ
Լրահոս
Որոնում
Ուղիղ եթեր
Ամեն ինչ եղել է
Hard Days Երեկո
Հոծ գիծ
Մամուլի հետ սուրճ
narRատիվ
Ուղիղ քաղաքականություն