Կուբայում ձերբակալվել են «Սպիտակազգեստ կանայք» ազդեցիկ խմբի տասնյակ անդամներ, որոնք յուրաքանչյուր կիրակի սպիտակ շորերով լուռ անցնում են Հավանայի փողոցներով՝ պահանջելով ազատ արձակել քաղբանտարկյալներին:
Ինչպես հաղորդում է BBC-ն, վերջին օրերին խմբի անդամները հայտնել են, որ իշխանություններն իրենց հասցեին սպառնալիքներ են հնչեցրել և ուժեղացրել ճնշումները:
Երկրի կառավարության տվյալներով՝ շարժումը հովանավորվում է ԱՄՆ-ի կողմից և ուղղված է Կուբայի հեղափոխության հիմքերի խարխլմանը:
Այս կիրակի լրանում էր կուբացի 75 այլախոհների ձերբակալության տասներորդ տարին:
2010 թ. մեծ թվով քաղբանտարկյալներ ազատ արձակվեցին կաթոլիկ եկեղեցու միջնորդութամբ ընդունված համաձայնագրի շրջանակներում:
Չմայած 2010 թ. համաձայնագրի հաջողությանը՝ «Սպիտակազգեստ կանանց» շարժումը շարունակում է ամեն շաբաթ երթ անցկացնել՝ ազատություն պահանջելով բոլոր քաղբանտարկյալների համար:
Սկզբնապես խմբի մեջ մտնում էին ձերբակալված այլախոհների հարազատները, սակայն ժամանակի ընթացքում նրանց շարքերն ընդլայնվեցին:
2005 թ. խումբն արժանացավ Եվրախորհրդարանի կողմից սահմանված Սախարովի մրցանակի: Իսկ 2012 թ. ԱՄՆ կառավարության կողմից խումբը մրցանակ ստացավ մարդու իրավունքների պաշտպանության համար: