Թուրքիայի վարչապետ Ռեջեփ Թայիփ Էրդողանին կարելի է անվանել ամենաշատ պաշտոնական այցեր կատարող ղեկավար: Ինչպես հայտնում է «Ուկրինֆորմ» լրատվական գործակալությունը, հունվարի 24-25-ը Թուրքիայի վարչապետը կլինի Ուկրաինայում:
Ըստ գործակալության` այս մասին հաղորդել է Ուկրաինայի նախագահի մամուլի ծառայությունը:
Ըստ ծառայության հաղորդագրության` հիմնական թեմաները, որ քննարկվելու են երկկողմ հանդիպումների ժամանակ, վերաբերում են տնտեսական համագործակցությանը և ներդրումների խրախուսմանը` երկու երկրների միջև ռազմավարական համագործակցությանը գործնական բովանդակություն հաղորդելու համար:
Թուրքիան մշտապես կարևորել է Եվրոպայի ամենամեծ երկրներից մեկի` Ուկրաինայի հետ համագործակցությունը, քանի որ այդ երկիրը մեծ շուկա ունի, իսկ տնտեսական զարգացումը և առևտրաշրջանառության ավելացումը թուրքական իշխանության համար թիվ մեկ խնդիրներից է: