Օհայո նահանգի բողոքական ամիշ աղանդի (բապտիզմի առավել պահպանողական ուղղություններից մեկը) անդամը խոստովանել է, որ հավատակիցներից խաբեությամբ 17 մլն դոլար է շորթել: Այս մասին հայտնում է Associated Press-ը:
77-ամյա Մոնրո Բիչին իր հանցանքը խոստովանել է մարտի 15-ին՝ դատարանում: Դատավճիռը կկայացվի մայիսի 24-ին: Բիչիին սպառնում է 20 տարվա ազատազրկում: Սակայն, հավանաբար, նրան կդատապարտեն 12-15 տարվա ազատազրկման:
Բիչիին մեղադրում են նրանում, որ նա իր հավատակիցներին համոզել է գումարներ ուղարկել իր ընկերությանը ապահով արժեթղթեր գնելու համար: Իրականում Բիչին սպեկուլյատիվ ներդրումներ է կատարել՝ վտանգելով հաճախորդների փողերը:
Ի վերջո, նրա ընկերությունը սնանկացել է: Բիչիի փաստաբանը նշում է, որ նա գումարներն անձնական նպատակների համար չի օգտագործել:
Բիչիի գործողություններից տուժել են ավելի քան 29 նահանգների ամիշներ: 2006 թ. նրանք կորցրել են ավելի քան 16.8 մլն դոլար:
