Ռուսաստանը սպառնում է ԱՄՆ-ին դուրս գալ պայմանագրից

Ռուսաստանի Դաշնության խորհրդարանի ստորին պալատը երկրորդ ընթերցմամբ ընդունել է Ռազմավարական հարձակողական սպառազինությունների կրճատման վերաբերյալ պայմանագրում փոփոխություններ մտցնելու օրինագիծը, որով Ռուսաստանը սահմանում է բացառիկ հանգամանքներ առաջանալու դեպքում պայմանագրից դուրս գալու իր իրավունքը: Համաձայն այդ փոփոխության, այդպիսի հանգամանք կարող է լինել ԱՄՆ կողմից պայմանագրի դրույթների խախատումը, որը կարող է վտանգել ՌԴ ազգային անվտանգությունը:
Փոխությունների մեջ են նաև ԱՄՆ-ի և այլ երկրների կողմից համատեղ հակահրթիռային համակարգի հիմնումը, ինչը կարող է նվազեցնել ՌԴ ռազմավարական միջուկային ուժերի արդյունավետությունը: Ինչպես նաև այնպիսի սպառազինությունների կիրառումը, որոնք կխոչընդոտեն հրթիռային հարձակման զգուշացման ռուսական համակարգի գործունեությանը:
Հիշեցնենք, որ այս պայմանագիրը ստորագրվել էր անցած տարվա ապրիլին ԱՄՆ-ի և Ռուսաստանի նախագահների միջև: Իսկ անցած տարվա դեկտեմբերին վավերացվել էր ԱՄՆ Կոնգրեսի կողմից:
Դեռ հայտնի չէ ԱՄՆ պաշտոնական դիրքորոշումը այս փոփոխությունների վերաբերյալ։ Այն հավանաբար կլինի այսօրվա վերջում: