Մոլդովայի ընդդիմադիր կումունիստական կուսակցությունը չի ճանաչում հանրապետության նախագահի ընտրությունների արդյունքները և կշարունակի բողոքի ակցիաները: Այս մասին այսօր ընդդիմության բազմահազարանոց հանրահավաքի ժամանակ հայտարարել է կուսակցության առաջնորդ, հանրապետության նախկին նախագահ Վլադիմիր Վորոնինը։ Այս մասին հաղոդրում է ИТАР ТАСС-ը:
«Մենք չենք ճանաչում այս ընտրությունները և ներկայիս խորհրդարանը: Նա մեր նախագահը չէ: Բողոքի ակցիաները կշարունակվեն, և շուտով դուք կիմանաք մեր հետագա քայլերի մասին»,- հայտարարել է Վորոնինը:
Նա կողմակիցներին կոչ է արել մինչև մայիսի 1-ը դադարեցնել հանրահավաքները: Ընդդիմադիրներն անցել են Քիշինևի գլխավոր փողոցով, սակայն չեն շրջապատել խորհրդարանի շենքը, քանի որ այդ ժամանակ պատգամավորներն արդեն ընտրել էին նախագահին և ցրվել: Բանն այն է, որ իշխանություններն ապահովագրել էին իրենց և արտահերթ նիստը՝ Մոսկվայի ժամով ժամը 17:00-ից ընտրությունները տեղափոխելով 10:00–ին՝ մինչ կսկսվեր ընդդիմության բողոքի ակցիան:
Իշխող «Հանուն եվրոպական ինտեգրացիայի» դաշինքի նախագահի թեկնածու Նիկոլայ Տիմոֆտիի օգտին այսօր 101 պատգամավորներից քվեարկել է 62-ը: Այսպիսով հաղթահարվել է քաղաքական ճգնաժամը, որը կապված էր այն հանգամանքի հետ, որ արդեն 3 տարի էր, ինչ խորհրդարանը չէր կարողանում նախագահ ընտրել:
