«168 ժամ»-ի տեղեկություններով՝ նախագահ Սերժ Սարգսյանը ԿԳՆ նախարար Արմեն Աշոտյանին ՀՀԿ փոխնախագահ է նշանակել եվրոպական կառույցների, մասնավորապես` ԵԺԿ-ի հետ ունեցած հարաբերություններում մեծ ներդրում ունենալու շնորհիվ:
«Հիշեցնենք, որ շաբաթ օրը տեղի ունեցած ՀՀԿ համագումարին մասնակցում էր նաև ԵԺԿ Փոխնախագահ Ռումյանա ժելևան: Իսկ ԵԺԿ նախագա Վիլֆրիդ Մարտենսը վիդիեո-ուղերձ էր հղել, որտեղ հայտարարել էր, թե ինքը համոզված է, որ ՀՀԿ-ն հաղթելու է:
ՀՀԿ-ում գտնում են, որ ԵԺԿ-ից նման ուղերձ և հյուր ունենալը Ա. Աշոտյանի «շնորհքն» է: Ինչ վերաբերում է Հ. Աբրահամյանին, ապա Ս. Սարգսյանը նրան առաջադրել է ՀՀԿ փոխնախագահի պաշտոնում, որպեսզի մեղմի Աժ նախագահի պաշտոնից հրաժարական տալու հետ կապված նրա նեղացածությունը: Խորհրդարանական ու նախագահական ընտրություններին ընդառաջ՝ Ս. Աարգսյանը չի ցանկացել լարվածություն պահպանել կուսակցության վերնախավի շրջանակներում: Իսկ Տ. Սարգսյանին նշանակել է փոխնախագահ, որպեսզի հակակշիռ լինի Հ. Աբրահամյանին:
«Ոչ, դա մամուլի կարծիքն է: Փոխնախագահներ առաջադրվել են մի սկզբունքով, որ կուսակցական կառավարումը լինի ավելի արդյունավետ: Յուրաքանչյուրը կունենա իր ֆունկցիան, և ես կարծում եմ, որ յուրաքանչյուր փոխնախագահ, հանձնաժողովի նախագահ ու ԳՄ անդամ և ընդհանրապես յուրաքանչյուր կուսակցական կարող է իր լուման ներդնել, որ կուսակցությունն ավելի արդյունավետ կառավարում իրականացնի»,- ի պատասխան այդ գնահատականներին` ասել է ՀՀԿ մամլո խոսնակ էդուարդ Շարմազանովը»:
