Թունիսի մայրաքաղաքում անկարգությունները վերահսկելու համար բերված զորամասը երեկ դուրս է բերվել քաղաքից, հայտնում է РИА Новости-ն: Մինչ այդ, միջազգային իրավապահ կազմակերպությունների փոխանցմամբ, երեկ գիշերը ոստիկանության և ցուցարարների բախումների արդյունքում մահացել է 8 մարդ, ևս 50 մարդ ստացել են մարմնական վնասվածքներ: Թունիսում դեռևս 2010թ.-ի դեկտեմբերին սկսված ցույցի ընթացքում զոհվել է 66 մարդ: Իրավապահների կարծիքով, այժմ Թունիսի իշխանությունների խնդիրն է «դադարեցնել անիմաստ արյունահեղությունը»: Թունիսում փակ են դպրոցներն ու բուհերը, տրանսպորտն ու խանութներն աշխատում են ընհատումներով: Տիրող իրավիճակի մասին անհանգստություն են հայտնել եվրոպական մի շարք երկրներ, ԱՄՆ-ն, ՄԱԿ-ը և այլ միջազգային կազմակերպություններ: Նրանք Թունիսի կառավարությանը հոդորում են խաղաղ ճանապարհով կարգավորել խռովությունները: