ԱՄՆ Ներկայացուցիչների պալատի խոսնակ Ջոն Բայները հունվարի 12-ին Վաշինգտոնում ընդունել է Վրաստանի նախագահ Միխեիլ Սաակաշվիլիին: Բայների գնահատմամբ, Վրաստանի նախագահի հետ կայացել է «կառուցողական զրույց ազատությանն ու ժողովրդավարությանը Վրաստանի նվիրվածությունն ապահովելու կարևորության մասին»: Հիշեցնենք, որ հանրապետական Ջոն Բայները Ներկայացուցիչների պալատի նախագահ է ընտրվել 2011թ.-ի հունվարի 5-ին: «Ամերիկյան ժողովուրդը կկանգնի նրանց կողքին, ովքեր պայքարում են ժողովրդավարության համար՝ բռնատիրության, արժանապատվության դեգրադացիայի և ազատությունների սահմնափակումների դեմ», – հանդիպումից հետո նշել է Բայները:
Նա շնորհակալություն է հայտնել Վրաստանին` ընդգծելով, որ նա կարևոր դաշնակից է ահաբեկչության և արմատական ծայրահեղականության դեմ պայքարում, ինչպես նաև Աֆղանստանում իրականացվող գործողություններին մասնակցելու համար: