Մոսկվայի լավագույն ռեստորաններից մեկի` Տվերսկոյ բուլվարում տեղակայված «Պուշկին սրճարան»-ի երկվորյակը կհայտնվի Նյու Յորքի հենց կենտրոնում:
Երեքշաբթի բացված հաստատությունը պատկանում է մոսկովյան «Պուշկինի» տնօրենին` հայտնի ռեստորատոր Անդրեյ Դելլոսին, և գտնվում է Հինգերորդ ավենյուի ու 57-րդ փողոցների հատման վայրում:
Ռեստորանի ինտերիերը կատարված է 18-րդ դարի շքեղ ոճում` փայտե սյուներ, ոսկեզօծ ջահեր, հսկայական ջահ, գրանիտե բար: Ներքևի հարկում տեղակայված է բանկետների սրահը:
Մենյուն կազմված է ռուսական ավանդական ճաշատեսակներից, սակայն ուտեստում զգացվում են փարիզյան նոտաներ: Ռեստորանի նյույորքյան տարբերակում, այնուամենայնիվ, կան փոփոխություններ` մոսկովյան օրիգինալից տարբերվելու համար:
