Այսօր Ադրբեջանի Շամախի շրջանի մոտակայքում տեղի է ունեցել 2 երկրաշարժ, մեկ ժամվա ընթացքում գրանցվել է 2 ցնցում,- հաղորդում է РИА Новости-ն՝ վկայակոչելով գիտությունների ազգային ակադեմիայի սեյսմոլոգիական կենտրոնի տվյալները:
1-ին երկրաշարժը՝ 3.4 բալ ուժգնությամբ, տեղի է ունեցել տեղի ժամանակով ժամը 11:29-ին, իսկ 2-րդ ցնցումը՝ դարձյալ 3.4 բալ ուժգնությամբ, գրանցվել է ժամը 12:14-ին: Այս երկու ցնցումների հետևանքով զոհեր չեն գրանցվել:
Նշենք, որ մարտի 12-ին այս նույն տարածքում դարձյալ երկրաշարժ էր տեղի ունեցել՝ 3.8 բալ ուժգնությամբ: Բարեբախտաբար, այդ անգամ էլ զոհեր չէին եղել: