ԱՄՆ նախագահ Բարաք Օբաման և առաջի տիկին Միշել Օբաման հիվանդանոցում այցելել են կոնգրեսմեն Գաբրիել Գրիֆորդսին: Հիշեցնենք, որ Գրիֆորդսը հունվարի 8-ին Տուսոնում գլխից վնասվածք էր ստացել հրազենային հարձակման արդյունքում: Հազարավոր մարդկանց առջև ունեցած ելույթում երկրի նախագահը հայտնել է, որ կոնգրեսմենը առաջին անգամ բացել է աչքերը: Նախագահի խոսքով, Գրիֆորդսը բացել է աչքերը՝ հենց որ ինքն ու Միշելը դուրս են եկել վերակենդանացման բաժանմունքի հիվանդասենյակից: «Նա գիտի, որ մենք այստեղ ենք»,- ասել է Օբաման: Նախագահի ելույթից քիչ անց բժիշկները հայտնել են, որ Գրիֆորդսը ոչ միայն բացել է աչքերը, այլև փորձել է գրկել ամուսնուն` տիեզերագնաց Մարկ Կելլիին: Տուսոնում ելույթի ժամանակ Օբաման կոչ է արել ամերիկացիներին հանդուրժող ու մարդկային լինել միմյանց նկատմամբ: ԱՄՆ նախագահը նշել է նաև, որ ամերիկացիները չպետք է որոնեն ողբերգության մեղավորներին, այլ միավորվեն և միասին անցնեն այդ ծանր շրջանը:
Նկարում` Բարաք Օբաման և Գաբրիել Գրիֆորդսի ամուսնը` Մարկ Քելին